Баян-Өлгий аймгийн Засаг дарга Х.Дармен,  Эрчим ХХК-ний захирал Мурат, Хотгор ХК-ний захирал Кадырхан, ХБХ-ийн дарга, Мэргэжлийн хяналтын орлогч дарга зэрэг төлөөлөл Увс аймагт энэ сарын 6-нд ажиллалаа.

Тус аймгийн зүгээс Эрчим ХХК-ний уурхайн үйл ажиллагааг сэргээх, Хотгорын уурхайн нүүрс ашиглалтын талаар болон Увс аймгийн Цагдаагийн газартай хамтран ажиллах саналтай байгаагаа илэрхийлсэн юм.
Дээрх асуудлаар ярилцаж Эрчим ХХК-ийг мэргэжлийн хяналтын улсын байцаагчийн актаар тавьсан зөрчлийг арилгах хүртэл хугацаанд үйл ажиллагааг нь зогсоосон бөгөөд техник эдийн засгийн үндэслэл, байгаль орчны нарийвчилсан байдлын үнэлгээ хийлгэх, гол усны эх бүрэлдэх газарт овоолсон шороон овоолгыг зайлуулаагүй, улсын комисс ажиллуулаагүй зэрэг зөрчлийг арилгасан нөхцөлд тус уурхайн үйл ажиллагааг сэргээхээр болов. Харин Хотгор ХК-ийг ашигт малтмалын улсын нөөцөд бүртгэгдсэн нөөцийг иж бүрэн зөв зохистой ашиглах талаар харилцан тохиролцоонд хүрлээ. Үүнд байгалийн баялгийг сорчлон ашиглах явдлыг таслан зогсоож тус уурхай дээр ашиглахгүй хаясан 420 мянган тонн нүүрсийг ашиглах талаар бүрэн тохиролцож, хаягдал гэх нүүрсийг шигшиж хэрэглэгчдэд нийлүүлэхээр шийдвэрлэв.

Н.Туяа