Оюу Толгойн худалдан авалтын үйл ажиллагаанд баримтлах үндсэн найман бодлогын нэг нь Нийлүүлэгчийн гэрээ хэрэгжүүлэх чадварын тухай бодлого юм.

Оюу Толгойн Нийлүүлэгчийн гэрээ хэрэгжүүлэх чадварын тухай бодлого нь дор дурдсан 7 чиглэлээр нийлүүлэгчийн чадавхийг үнэлж, сайжруулах шаардлагатай талуудыг олж илрүүлэх зорилгоор олон улсад тэргүүлэх аргачлалд тулгуурлан боловсруулсан болно. Эдгээр нь:

• Эрүүл мэнд, Аюулгүй ажиллагаа, Байгаль орчин (ЭМААБО)
• Санхүү
• Ёс зүй болон дотоодын аж ахуйн нэгжүүдийг оролцоог нэмэгдүүлэх
• Чанарын менежмент
• Хууль эрх зүйн ба мэдээллийн аюулгүй байдал
• Хүний нөөцийн менежмент
• Үйлчилгээ ба лавлагаа

Нийлүүлэгчийн гэрээ хэрэгжүүлэх чадварын тухай бодлогоор Эрүүл мэнд, аюулгүй ажиллагаа, байгаль орчны болон бусад бизнесийн ёс зүйн талаарх зарчмуудыг бидний нэгэн адил баримталдаг нийлүүлэгчидтэй хамтран ажиллахаар тусгагдсан бөгөөд энэхүү бодлогыг хэрэгжүүлэх зорилгоор ийлүүлэгчийн гэрээ хэрэгжүүлэх чадварын үнэлгээний хөтөлбөрийг хэрэгжүүлж эхлээд байна. Хөтөлбөр нь нийлүүлэгчдийн гэрээ хэрэгжүүлэх чадварыг үнэлэхээс гадна тэднийг сайжруулах шаардлагатай талуудыг нь илрүүлэн тогтоосноор нийлүүлэгчдийг хөгжүүлж, үйл ажиллагааг нь сайжруулж, урт хугацаанд хамтран ажиллах боломжыг бүрдүүлэхэд чиглэсэн юм.

Оюу Толгой Нийлүүлэгчийн үнэлгээ, менежментийн системийг бий болгож байгаа бөгөөд энэ нь одоогийн болон ирээдүйн боломжит нийлүүлэгчдийн мэдээллийг цуглуулж, хадгалах цахим систем юм. Уг системээр үүсгэсэн Нийлүүлэгчийн нэгдсэн мэдээллийн санг бид худалдан авалтын үйл ажиллагаанд оролцох боломжит нийлүүлэгчдийг сонгон өрсөлдөөнт тендер шалгаруултанд урьж оролцуулахад ашиглана.     

Энэ хүрээнд бид Нийлүүлэгчийн үнэлгээ, менежментийн салбарт дэлхийд тэргүүлэгч Ахиллис компанитай хамтран ажиллаж байна. Ахиллис компани нь энэ чиглэлээр дэлхийн 25 оронд 700 гаруй томоохон худалдан авагч компани, 70,000 орчим нийлүүлэгчтэй хамтран ажиллаж байна. Тус компани нь та бүхнийг энэхүү нийлүүлэгчийн гэрээ хэрэгжүүлэх чадварын үнэлгээнд оролцох явцад Таныг бүрэн чиглүүлж, тусалж ажиллах болно.

Нийлүүлэгчийн гэрээ хэрэгжүүлэх чадварыг үнэлэх үйл явц нь дараах үе шатаас бүрдэнэ:

• 1-р шат: Бүртгэл

  Цахим бүртгэлийн маягтыг бөглөнө. Үүнд ойролцоогоор 20 минут зарцуулагдана. Одоогийн болон ирээдүйн боломжит бүхий л нийлүүлэгчид манай цахим хуудсаар бүртгүүлэх боломжтой. Бүртгүүлэхийн тулд энд дарна уу.

• 2-р шат: Урьдчилсан шалгуур
  Бүтээгдэхүүн, үйлчилгээг худалдан авах хэрэгцээ шаардлага гарсан үед тухайн төрлийн бүтээгдэхүүн үйлчилгээг нийлүүлэхээр бүртгүүлсэн нийлүүлэгчдийг Оюу Толгой ХХК-ний урьдчилсан сонголтын шалгуур үзүүлэлтийг хангаж буй эсэхийг үнэлэх урьдчилсан шалгуур үзүүлэлтийн үнэлгээнд оролцохыг урина. Уг шатанд Та урьдчилсан шалгуур үзүүлэлтийн үнэлгээний асуулга бөглөж, холбогдох баримт бичгүүдийг хавсаргана.

  Урьдчилсан шалгуур үзүүлэлтийг үнэлэх шатыг амжилттай давсан нийлүүлэгчид нь цаашид зарлагдах өрсөлдөөнт тендер шалгаруулалтын зарыг хүлээн авах боломжтой болно. Түүнчлэн шаардлагатай бол үндсэн шалгуур үзүүлэлтийн үнэлгээний шат руу уригдана.

• 3-р шат: Үндсэн шалгуур
  Нийлүүлэх бүтээгдэхүүн, үйлчилгээний нэр, төрөл, эрсдлийн түвшин болон урьдчилсан шалгуур үзүүлэлтийн үнэлгээний шатыг амжилттай давсан эсэхээс хамааран зарим шаардлагатай нийлүүлэгчид нь үндсэн шалгуур үзүүлэлтийн үнэлгээний шат руу уригдах бөгөөд энэ шатанд Оюу Толгой ХХК-ний нийлүүлэгчдэд тавьдаг үндсэн шаардлагуудыг хангаж буй эсэхийг шалгаж үнэлнэ.

  Таны нийлүүлж буй болон нийлүүлэх бүтээгдэхүүн, үйлчилгээний нэр төрөл, тэдгээрийн эрсдлийн түвшингээс хамааран Ахиллис компаний аудиторууд таны ажлын байранд биечлэн очиж хяналт,баталгаажуулалт хийх шаардлага гарч болох юм.

  Үндсэн шалгуурыг хангасан нийлүүлэгчийн мэдээллийг Оюу Толгойн Нийлүүлэгчийн нэгдсэн мэдээллийн санд 'Нийлүүлэгчийн үндсэн шалгуур үзүүлэлтийг хангасан' гэсэн тэмдэглэгээ хийн бүртгэн авах бөгөөд энэ нь тухайн нийлүүлэгчийг цаашдын өрсөлдөөнт тендер шалгаруулалтанд оролцох боломжтой, чадвартай гэдгийг илэрхийлнэ.

Холбоо барих

Танд нийлүүлэгчийн бүртгэл болон гэрээ хэрэгжүүлэх чадварын үнэлгээний үйл явцын талаар асуух зүйл байвал Оюу Толгой компаний +976-11-331880 (дотуур утас 3604) болон Ахиллис компаний хаягаар холбоо барина уу.