Манай оронд 6 мянга гаруй ашигт малтмал, эрдэс чулуулаг бүртгэгдээд байна. Ашигт малтмалыг дотор нь шатах ашигт малтмал, ашигт малтмал, ховор металл өнгөт металл, холимог металл, үнэт металл гэхчилэн хэд хэдэн бүлэгт хувааж үздэг. Нүүрс, нефть, байгалийн хий, шатдаг занар зэргийг шатах ашигт малтмал юм. Харин, хар металл, төмөр марганц, хромыг ашигт малтмал гэдэг.

 

Харин ховор металлд вольфрам, цагаан тугалга, молибден ордог бол енгет металлд зэс, хөнгөн металлд хөнгөн цагаан, холимог металлд хар тугалга, цайр багтдаг. Үнэт металлд алт, цагаан алт, мөнгө ордог аж. Ховор металлд тооцогддог вольфрам нь манай улсын хэд хэдэн газар илрээд байгаа бөгөөд ашиглаж байсан гүний орд ч байгаа юм байна.

 

Түүнчлэн стронцийн хүдэр манайд цоо шинээр илэрсэн. Цацраг идэвхтэй энэхүү эрдэсийн орд нь "Олон овоот”-ын алтны ордын дэргэд илэрсэн. Энэ мэт газрын ховор элемент "Олон овоот”-ын алтны ордын дэргэд байгаа нь манайх эрдэнийн чулуугаар баян орон гэдгийг баталж байгаа юм. Үнэт чулууны хувьд цагаан, ногоон хаш, мана, гартаам ч их байдаг байна. Мөн усан болор их илэрч байгаа. Дашрамд дурдахад усан болорыг линз, нүдний шил болон гоёл чимэглэлд хэрэглэдэг. Ер нь газрын ховор элемент нь химийн бүтцээсээ шалтгаалан та бидний өдөр тутмын хэрэглээ болох дэвтэр, зай, зоос, ээмэг, чихэвч, нүүрний энгэсэг, уруулын будаг, үсний хавчаар, түлхүүр, гэрэл чийдэн, компьютер, чүдэнз, эмэнд ашиглагддаг байна.