Мардайн гол орд Гурванзагал сумаас баруун тийш 40 км, Чойбалсан хотоос баруун хойш 120 км орчим, Дорнодын ордоос зүүн хойш  6 км-ийн зайд байрладаг.

Ордын газар зүйн байрлал:

Номенклатур:                         М-50-ХХV
Өргөрөг:                                 49° 03' 27"
Уртраг:                                   114° 00' 06"
Үнэмлэхүй өндөр:                  900-1100 м

1943-1972 онуудад Хойд Чойбалсангийн хүдрийн районы нутаг дэвсгэрт 1:200 000-ын геологийн зураглал 75%-д, 1:50 000-ын 3%-д тус тус судалгаа хийж, бүх нутаг дэвсгэрт 1:25 000-ын агаарын геофизикийн болон 1:200 000-ын гравиметрийн зураглалаар тус тус бүрхэж, энэ ажлуудын үр дүнд 1:500 000 ба 1:200 000-ын ураны прогнозын зургуудыг зохиосон байна.

1971 оноос ураны төрөлжсөн судалгаа хийж эхэлсэн бөгөөд хүдрийн хэтийн төлөв бүхий талбайнуудад 1:50 000-ын төрөлжсөн зураглал, хязгаардмал хэсгүүдэд структур-геофизикийн, геохимийн болон уул-өрмийн аргуудыг хэрэглэж 1:10 000-ын нарийвчилсан эрлийн ажлын хүрээнд тус орд илэрчээ.

Нарийвчилсан хайгуулын ажлын үр дүнгээр орд нь хүдрийн ядуу болон ердийн хүдэртэй жижиг масштабын объект гэж дүгнэсэн байх ба харин Мардай голын блокын хойт ба төв хэсгийн хүдэр хянагч структурын жигүүрүүдэд геологи хайгуулын ажил үргэлжүүлэн явуулж, энэ хүдэржилтийн цар хэмжээг өргөсгөх шаардлагатай болно.

Мардайн ураны орд дээр олгогдсон тусгай зөвшөөрөл: