Ямар ч худалдаа "ашиг” гэдэг үгийг тойрон эргэлддэг. Харин энэ үгийг яаж бодит ажил хэрэг болгох вэ гэдэг бол мөнхийн асуулт. Худалдааны ашгийг яаж дээд зэргээр нэмэгдүүлэх вэ. "Бизнес практикум” ашиг ундруулах таван алхмыг санал болгож байна.

1.Үйлчлүүлэгчид Чухам юу ашиг өгдгийг тодорхойл
Энд үйлчлүүлэгчдийг хамгийн сайн мэддэгээрээ худалдааны хэлтэс гол үүрэг гүйцэтгэнэ. Тодорхой үйлчлүүлэгчид ашиг өгдөг хүчин зүйлүүд янз бүр байж болно. Жишээ нь үзэсгэлэнд дундаа нэг павильонтой байх юм уу хамтарч сурталчилгааны материал нийтлүүлж болно. Эсвэл ажил хэргийн түншийнхээ үйлчлүүлэгчийг санхүүжүүлж болно.

2. Ашгийг бүрдүүлэгч хэсгүүдийг тодорхойл
Ашгийг бүрдүүлэгч хэсгүүд гэдэг бол та үйлчлүүлэгчидтэйгээ ажиллах төслийнхөө амжилтыг үнэлж дүгнэхдээ хэрэглэж болох хэмжүүрүүд юм. Тодорхой нэг үйлчлүүлэгчтэй харилцахдаа хэрэглэх хэмжүүрүүдээ тодорхойлж, түүнийгээ оноогоор тэмдэглэ.
Үзэсгэлэнд оролцох 45 оноо, санхүүжүүлэлт 75 оноо гэх мэт. Дараа нь нийт дүнгээр 200 оноо авах зорилт тавьж болно. Ашгийг бүрдүүлэгч хэсгүүд нь тухайн төслийн биелэлтийн зэргийг илэрхийлж байдаг.

 

3.Үйлчлүүлэгчдийн ангилал тогтоох
Энд дараах мэдээллүүдийг тодруулах ёстой;

•         Тодорхой нэг үйлчлүүлэгчийн чадавхи

•         Энэ чадавхийг ашиглах арга

•         Таны ашиг юу байх вэ

4. Ашгийг залах
Үйлчлүүлэгчдээ хатуу ба зөөлөн шалгууруудаар үнэлж дүгнэх хэрэгтэй ;

•         Үйлдвэрлэл, үйлчилгээний хэмжээ

•         Эргэлтийн хэмжээ

•         Бодит үр дүн

•         Төлбөрийн чадвар

5. Худалдагчдыг сайн сургах
Өмнөх дөрвөн зүйлээс харахад ашгаар залагддаг худалдааг нэг хүн хийх боломжгүй байна. Харин худалдагч бүр хамтын амжилтад хувь нэмрээ оруулж байж л худалдаа амжилттай болно. Худалдааны хэлтсийн ажилтан өөрөө маш мэдрэмтгий байх ёстой. Зөвхөн өөрийнхөө үйлчлүүлэгчдийг сайн мэддэг төдийгүй тэдгээрийн орчин, үйлчлүүлэгчдийг мэддэг байх ёстой. Өөрийнх нь ажиллаж буй байгууллагад юу чухал вэ, аливаа үйлчлүүлэгчдэд аль талаас нь "ойртох” вэ гэдгийг сайн мэддэг байх ёстой. Үүний тулд худалдагч бүр хангалттай боловсролтой, мэдлэг чадвараа ашиглах өргөн боломжтой байх шаардлагатай.

Товч дүгнэлт:

•         Маркаар баримжаалсан бизнес үйлчлүүлэгчдээр баримжаалсан бизнесээр солигдоно.

•         Компаний ашиг үйлчлүүлэгчдийн ашгаас үүднэ.

•         Үйлчлүүлэгч надад юу өгөх вэ (Outside-in) гэсэн асуулт үйлчлүүлэгчид би юу өгөх вэ (Inside-out) гэсэн асуултаар солигдоно.

•         Үйлчлүүлэгчийн ашгийг залах нь худалдааны хэлтсийн ажил болж, маркетинг нөлөөгөө алдана.

•         Худалдааны хэлтэс үйлчлүүлэгчийн ашгийг залах боломжийг олж авах ёстой.

•         Худалдааны хэлтсийн дарга нь ажилтнуудаа ашгийн менежер болгох ёстой.