Компанийн зүгээс тухайн орон нутагт малчдын худаг гаргах, бэлчээрийг бэхжүүлэх, мод тарих зэрэг ажлуудыг нэлээд сайн хийдэг. Мөн оюутан сургах, бичил зээл, цахилгаан гээд нийгмийн хариуцлагаа хүлээсэн ажлууд хийж буйг та бүхэн харж байгаа байх. Компани усаа хэрхэн ашиглаж байна вэ гэдгийг хянах боломжтой. Энэ талаар Байгаль орчин, ногоон хөгжлийн яамны хариуцсан асуудал. Тэгээд ч манай улс усны асуудалд хяналт чангатай оронд тооцогддог. Мэргэжлийн хүмүүс хянах тогтолцоо бүрэн байдаг шүү дээ. Оюу толгой өөрөө технологийн усаа 80 хувь, ахуйн усаа 100 хувь дахин /цэвэршүүлж/ хэрэглэж байна. Яахав дээ манайхан бүгд очоод тус тусдаа хянаж болно. Гэхдээ олон давхар хяналт, хүнд суртал байвал бизнес олигтой явахгүй. 

 

Зээл авах шаардлага цаашид байгаа. Дэлхийн банк, Олон улсын валютын сан, Америкийн, Канадын хөгжлийн банк, томоохон арилжааны банкууд томоохон төсөл, гэрээг санхүүжүүлэх боломжтой байдаг. Тэдгээрийн тавьдаг стандарт нь хүртэл өөр, өндөр хариуцлагыг нэхдэг. Тэгэхээр зээлдэгч нь байгаль орчинд хал балтай үйл ажиллагаа явуулж байвал зээлийг нь шууд зогсоодог. Тийм болохоор "Оюу толгой” компани энэ талаа ч бодож байгальд ээлтэй хандана гэсэн үг.

 

Үүнийг хөрөнгө оруулалтын газрынхан илүү мэднэ. Гэвч зарим хөрөнгө оруулагч юу хэлж байна вэ гэхээр "Хууль гарах нэг хэрэг. Хууль нь тогтвортой байна уу. Ашигт малтмалын лицензээ хэзээнээс олгож эхлэх юм /одоохондоо лиценз олгохгүй байгаа/, Хятадын зах зээл яах вэ” гэсэн байр суурийг илэрхийлж буй. Ер нь шинэ хууль хөрөнгө оруулагчдад том дохио болж чадсан. Өнгөрсөн 2013 онд Оюу толгойгоо эргэлтэнд оруулсан. Энэ бол том амжилт. Цаашдаа энэ онд төслөө урагшлуулах, эрчээ алдахгүй байх гээд бидний хийх ёстой, хариуцлагатай хандах ажил олон байгаа.