Энэ оны эхний 10 сарын байдлаар "Ашигт малтмалын газар” тусгай зөвшөөрлийн төлбөрөөс 32.6 тэрбум төгрөг улсын төсөвт төвөрүүлсэн байна. Энэхүү үзүүлэлтийг наймдугаар сарын байдалтай харьцуулахад 10 орчим тэрбум төгрөгөөр

Уул уурхайн компаниудын тусгай зөвшөөрлийн төлбөр төлөлт 9, 10-р сард эрчимжжээ. Зургийг: С.Бадаг

нэмэгджээ. Хайгуул болон ашиглалтын тусгай зөвшөөрлийн төлбөрөөс 29.9 тэрбум төгрөгийн орлогыг энэ оны эхний 10 сард төвлөрүүлсэн байна. Өөрөөр хэлбэл уул уурхайн компаниудын тусгай зөвшөөрлийн төлбөр төлөлт 9, 10-р сард эрчимжиж, энэ хугацаанд 9.2 тэрбум төгрөгийн төлбөрийг улсын төсөвт төвлөрүүлжээ. Харин "Газрын тосны газар” нийт 135.1 тэрбум төгрөгийг улсын төсөвт төвлөрүүлсэн нь 114 хувийн гүйцэтгэлтэй гарсан байна. Түүнчлэн газрын тосны орлого 131.7 тэрбум төгрөгт хүрсэн нь төлөвлөж байснаас 13.3 хувиар давж биелжээ. Уул уурхайн зарим нэр төрлийн бүтээгдэхүүний үйлдвэрлэлийн гүйцэтгэлээс хахарад зэсийн салбар 79 хувь, нүүрс 75.7 хувь, алт 193.7 хувь, цайрынх 191.5 хувийн гүйцэтгэлтэй гарсан байна. Харин энэ оны наймдугаар сард 14.9 сая тонн нүүрс олборлосон нь аравдугаар сард 21.9 сая болж нэмэгджээ. Энэ оны эхний 10 сарын хугацаанд 205.2 тэрбум төгрөгийг татварын орлогыг нүүрснээс улсын төсөвт төвлөрүүлсэн байна. 

Э.Нарантунгалаг