"Ашигт малтмалын хэмжилт хийгдсэн нөөц" гэдэг нь ашигт малтмалын бодитой нөөцийн тодорхой нэг хэсэг бөгөөд тухайн хэсгийн хэмжээ, зэрэг, чанар, нягтшил, хэлбэр, физикийн онцгой шинж зэргийг маш сайн тогтоосон бөгөөд ордын эдийн засгийн чадавхийн үнэлгээ болон үйлдвэрлэлийн төлөвлөлтийг дэмжих, техник эдийн засгийн хэмжигдэхүүний зохист хэрэглээг хангахуйц хангалттай баталгаа бүхий гэж таамаглаж болно. Таамаглал нь зохих арга барилын дагуу гарш, суваг, уурхай түүнчлэн геологийн болон зэргийн үргэлжлэл хоёуланг нь баталж болохуйц ойр ойрхон байрласан өрмийн цооногуудаас цуглуулсан нарийвчилсан, найдвартай хайгуулын болон шинжилгээний мэдээлэлд үндэслэсэн байна.

 

 

Эрдэсжилийн зэрэг ба багтаамж зэрэг тоо баримтын шинж чанар, хэмжээ болон тархац нь ойрын хязгаар дотор байхаар таамаглагдсап бөгөөд таамаглалын өөрчлөлт нь эдийн засгийн боломжийн чадавхид мэдэгдэхүйц нөлөөлөхөөргүй байх үед эдийн засгийн сонирхол бүхий байгалийн материал эсвэл эрдэсжилийг мэргэжлийн хүн дараах нөхцөлд ашигт малтмалын хэмжилт хийгдсэн нөөц гэж ангилж болно. Энэ ангилал нь геологийн болон ашигт малтмалын ордын хяналтын дээд зэргийн боломжит байдлыг шаардана.