УИХ-ын гишүүн, МҮАН-ын Удирдах зөвлөлийн гишүүн Гантөмөрийн Уянга Ерөнхий сайд, АН-ын дарга Н.Алтанхуягт санал хүргүүлжээ. Үүнийг бүрэн эхээр нь хүргэж байна.


Санал хүргүүлэх тухай

Шинэчлэлийн Засгийн газрыг хамтран бүрдүүлж байгаа "Шударга ёс” эвсэл өнөөдрийг хүртэл Ардчилсан намтай хамтран ажиллахдаа ямар нэг тулгалт хийж нөхцөл тулгалгүй эрх баригчийг бүрдүүлж байгаа гол хүчнийг бодлогоо хэрэгжүүлэхэд саад болохгүй байх, хамтарсан Засгийн газрын мөрийн хөтөлбөр, сонгогчиддоо өгсөн амлалтаа биелүүлэхэд дэмжих төдийгүй идэвх зүтгэлтэйгээр хамтран ажиллах зарчмыг тууштай баримтлан ажиллаж байгаа билээ.
Хамтарч эрх барьсан жил хагасын хугацаанд анх удаа зарчмын асуудлыг хамтрагч талдаа тавьж байна.
Энэ бол бидний сонгогчдынхоо өмнө амласан амлалттай шууд уялдаж, дараа дараагийн ашигт малтмалын тухай хууль болон бусад хуультай нягт холбогдох Эрдэс баялгийн бодлогын баримт бичигт "Шударга ёс” эвслээс санал болгож байгаа дараах үндсэн гурван заалт юм. /Бичил уурхайчдыг дэмжих болон иргэний нийгэм төрийн түншлэлийг байгаль хамгаалах чиглэлд улам боловсронгуй болгох талд тохиролцсон бөгөөд саналын томъёоллыг ажлын хэсгийн ахлагч С.Одонтуяа гишүүн болон бүлгийн бүх гишүүдэд хүргүүлсэн болно/  

2.1.8. Үндэсний аюулгүй байдал, байгаль экологийн тэнцвэрт байдалд нийцүүлэх зорилгоор ашигт малтмалын зарим төрөл, ордыг нөөцөлж болно. Энэ нь хувийн хэвшлийн хөрөнгөөр хайгуул хийсэн орд бол зохих нөхөн төлбөрийг төлөх үүргийг төр хүлээнэ.
2.1.9 дэх заалтыг нэгдсэн хуралдаанд оруулсан томъёоллыг хэвээр үлдээх: Төрийн зохицуулалтыг бүртгэл, зөвшөөрөл, хяналтын түвшинд төгөлдөржүүлж, ашигт малтмалын хайгуул, олборлолтын үйл ажиллагаанд төрийн оролцоог зохистой түвшин байлгах
3.1.8 дахь заалтыг хасч 3.1.11 дэх заалтын агуулгыг сэргээж дараах байдлаар томъёолох:  Ордыг иж бүрнээр судлан үнэлэх баялгийн үнэлгээний тогтолцоо бий болгож, Монголын хөрөнгө оруулалт, зээлдэх эрхийн баталгаа болгон ашиглах эрхзүйн орчин бүрдүүлнэ.
Энэхүү зарчмын саналуудад хамтрагч улстөрийн гол хүчин-Ардчилсан нам хүндэтгэлтэй хандаж бодлогын баримт бичигт тусган сонгогч олон түмэн, нийт монгол үндэстний нийтлэг эрх ашигт нийцсэн бодлогын баримт бичиг гаргана гэдэгт эргэлзэхгүй байна.

Хүндэтгэсэн
УЛСЫН ИХ ХУРЛЫН ГИШҮҮН     Г.УЯНГА

Төрөөс эрдэс баялгийн салбарт баримтлах бодлогын баримт бичгийн эцсийн хэлэлцүүлэгт оруулах УИХ-ын гишүүн Гантөмөрийн Уянгын саналын томъёолол

2.1.8. Үндэсний аюулгүй байдал, байгаль экологийн тэнцвэрт байдалд нийцүүлэх замаар зорилгоор хязгаарлагдмал нөөцтэй ашигт малтмалын зарим төрөл, ордыг нөөцөлж болно. Энэ нь хувийн хэвшлийн хөрөнгөөр хайгуул хийсэн ордод хамаарахгүй  орд бол зохих нөхөн төлбөрийг төлөх үүргийг төр хүлээнэ.

2.1.9 дэх заалтыг нэгдсэн хуралдаанд оруулсан томъёоллыг хэвээр үлдээх: Төрийн зохицуулалтыг бүртгэл, зөвшөөрөл, хяналтын түвшинд төгөлдөржүүлж, ашигт малтмалын хайгуул, олборлолтын үйл ажиллагаанд төрийн оролцоог зохистой түвшин байлгах

3.1.1. Хувиараа ашигт малтмал олборлогч иргэдийг хууль ёсны бүтцээр хоршиж бичил уурхайн хэлбэрээр хоршиж ажиллах чиглэлийг төр засгаас бодлогоор ажиллахыг дэмжиж холбогдох  хууль эрхзүйн зохицуулалтыг боловсронгуй болгох

3.1.8 дахь заалтыг хасч 3.1.11 дэх заалтын агуулгыг сэргээж дараах байдлаар томъёолох:  (Баялгийн үнэлгээний тогтолцоог нэвтрүүлж, эдийн засгийн үр өгөөжийн харилцааг зохицуулах эрхзүйн орчинг бий болгох)
Ордыг үндсэн нөөц, дагалдах эрдсийн хамт иж бүрнээр судлан үнэлэх баялгийн үнэлгээний тогтолцоо бий болгож, Монголын хөрөнгө оруулалт, зээлдэх эрхийн баталгаа болгон ашиглах эрхзүйн орчин бүрдүүлнэ.

3.6.5. Байгаль орчныг хамгаалах чиглэлээр төрийн байгууллагын тодорхой чиг үүргийг гэрээний үндсэн дээр төрийн бус байгууллагаар гүйцэтгүүлэх хууль эрхзүйн орчинг бололвсронгуй болгох замаар хамтын ажиллагааг дэмжих